شباب روش طحن

اغانى افلام برامج العاب كل ما هو جديد فى عالم الانترنت
 
دخولالبوابةالتسجيلالرئيسية

شاطر | 
 

 مشاكل الشعب المصرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طايش بس عايش
رئيس جمهورية شباب عرب
رئيس جمهورية شباب عرب
avatar

ذكر
عدد الرسائل : 479
العمر : 28
المكان : امام الجهاز
الوظيفة : ربنا يبعت
الهواية : النت
تاريخ التسجيل : 15/03/2007

مُساهمةموضوع: مشاكل الشعب المصرى   الأربعاء أغسطس 05, 2009 7:43 am

مشاكل الشعب

الشعب عايش تعبان
والحكومة بتاكل بط ووز وسمان
ولو واحد فكر يقول لا او يتكلم
هيكون مصيرة انة يبات فى اللومان
ويقول علية دة ارهابى وتابع لحزب الجعان
ومين هيدافع عنة غير اخوة وكمان واحد غلبان
ويعينى لو فكر يروح لمحامى
هيوقولو منين يا مواطن يا كحيان
ونقدم شكوى ونكتب مزكرة كمان
ونستنى الرد الطبيعى هو انا فاضى يا حيوان
ولا تابور العيش العدمان
تقف بالسعتين ومفيش عيش كمان
وجات الانتخبات وكلة بيتكلم على الغلبان
وفى وجبة كنتاكى بتتوزع فى البرلمان
دة بيتكلم عن الاسلام ودة بيقولك السياسة
ولما ينجح يقولولك صباح البتنجان
ولا النصب اللى فى البلد ومصلحة المعاشات
ياخد على قد ما يقدر ويقولك ضريبة مبيعات
تيجى تتكلم وتقول ازاى
يقولك هنعمل اية شوية دمغات
وادينا عايشين وبنقول الحمد لله
بس دة كتير على مواطن بيقول لله
وانزل علشان امون العربية بنزين
اقولهم انا عايز بنزين 80
يقولى مفيش غير 92
ودى اوامر من الريس التخين
امشى واقول حسبى الله ونعم الوكيل
فى دولة ظلمتنا وظلمت المواطن الفقير
وانزل واروح الكلية
علشان اخد دروسى وازاكر شوية
ييجى الدكتور يقولى شايف البت دى
دى موزة جامدة بس عارفها بية
وادخل محضراتى وانسى كلام الدكتور
علشان اركز واجيب على الاقل مقبول
واشيل المادة بسبب الدكتور
واقول لابويا يقولى علشان مزكرتش يا امور
مبقتش عايز اروح الكلية ولا المعاشات
ولا حتى طبور العيش ولا البنزينات
وروحنا كلمنا ناس كبيرة ومسئولين
عن الازمة الحقيقية والناس المفلسين
دة طردنا ودة شتمنا
وقالولنا مع السلامة يا حلوين
قولت اروح اجيب اخويا من الثانوية
علشان الامتحنات جاية صعبة شوية
ولقيت ناس كتير وقفين
شيلين الملازم ووقفين متنحين
وناس بتصوت وناس بتعيط
وكمان كان فى ناس ميتين
ولقيت ناس بتقولى شيد حيلك واتمسك بالدين
اخوك مات ضحية الثانوية والمدرسين
قولت اروح اسمع الاخبار
قلولى دى نشرة غم والصحة عال العال
وسمعت ان فى حريقة فى مجلس الشعب
وناس بتقول دة ماس وناس بتقول لا دة عقب
وطلع الوزير يقول بسبب عقب
ولقينا المحافظ بيقول لا دى حرب
وكترت الحرئيق والحقيقة بتموت
ويقولو اصل دة زمن وكلة بيفوت
قولت انزل الف فى السوق شوية
اشوف الاسعار والدنيا دى
لقيت ناس وقفين ومحدش بيشترى
وفى خناققة هناك وبيقولة حرام عليك يا مفترى
والناس كلها بتتكلم الاساعار مولعة نار
والمعاملة وصلة ما بينا بالدولار
قولت ازاى دة احنا فى مصر بلد عربية
قلولى مصر دى بلد فقرانا والحكومة هى اللى معدية
زهقت ومشيت وقولت اركب العربية
اخدها الف بيها البلد شوية
وشوفت حادثة والناس وقفة بتعيط
وطلعو طفل كان عامل يصوت
حلمة واملة وكل حياتة
راحو لحظة وداع اهلة وكل اخواتة
وكان سببها سرعة عربية وسوقة متهورة
وفينك يا ردار وفينك يا حكومة يا متطورة
وكان لينا قضية فى المحكمة من زمان
من 20 سنة واكتر كمان
من نقض الى استئناف دة شغل جنان
والقاضى يقولى خلى عندك صبر وايمان
دة احنا نسينا القضية من زمان
وانت جاى تفكرنى بالكان
والمحامى قالى خليك قانونى واتبع التعليمات
وفى الاخرحقنا ضاع واتصرف من زمن فات
زهقت من حياتى والتليفزيون
ورنات الموبيل والكول تون
وسمعت ان حفيد الرئيس مات
والعزء كان فى جامع من جوامع البهوات
اصل كان فى عبارة غرقت فى اتمون اللى فات
ومسمعناش سورة الفاتحة ولا اى معونات
ولا دة حفيد الرئيس
والباقى ولاد الخدمات
ياعينى عليك يا شعب يا غلبان
ولا علشان احنا راضيين بناصيبنا واللى كان
قولت اروح اعمل حاجة مفيدة فى حياتى
اخطب واتجوز واحلم بولادى
روحت اتقدمت وقبلت حماتى
قلتلى موفقة بعربية وفيلا فى المعادى
وانا مش طماعة ودى كل طلاباتى
بس بسرعة علشان متقدم واحد اسمة فادى
نزلت واتمشيت على النيل
وسمعت همومى كلها فى مواويل
ولقيت واحد سكران والتانى عدمان
وبقيت الشباب فى حالة ادمان
افتكرت اكتوبر والعلم المتين
ومينا وقطز وصلاح الدين
مش عارف ان كانت حقيقة ولا رويات
وقولتلنا عليها دى من زمن فات
انا تاية ومخنوق وحزين
مفيش مراقبة ولا وظيفة ولا تعليم




مع خالص تحيات طايش
واتمنى ان كلة بعد ما يضحك شوية يقولى اية راية فيها بجد انا تعبت فيها اوى من تاليفها او كتبتها واتمنى انها تعجبكم

وارجو عند النقل ان يحفظ حقى فى نقلها


طايش بس عايش

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://as7abarb.megabb.com
ملآكـ القمر
روش مبتدأ
روش مبتدأ
avatar

انثى
عدد الرسائل : 328
العمر : 27
المكان : مصر
الوظيفة : عاطل
الهواية : السكوتـ
تاريخ التسجيل : 25/10/2008

مُساهمةموضوع: رد: مشاكل الشعب المصرى   الخميس أغسطس 13, 2009 11:46 am

انا كنت هعيط

صحيح انا مش من مصر بس حسيت الكلام موت


بجد تسلم ايدكــــ

روووعه

_________________
مــــوتنا حاجآتــ عآشتــ فينآ وياريــتــ ناسيـــن

بـــنموتـ وبنضحك على روحنا ونــقول عآيشـــين

[i]



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.googel.com
طايش بس عايش
رئيس جمهورية شباب عرب
رئيس جمهورية شباب عرب
avatar

ذكر
عدد الرسائل : 479
العمر : 28
المكان : امام الجهاز
الوظيفة : ربنا يبعت
الهواية : النت
تاريخ التسجيل : 15/03/2007

مُساهمةموضوع: رد: مشاكل الشعب المصرى   الأحد أغسطس 30, 2009 1:34 pm

مرسى يا جميل واتمنى تكون عجبتك بجد


طايش بس عايش

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://as7abarb.megabb.com
 
مشاكل الشعب المصرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب روش طحن :: القسم الادبي :: الشعر-
انتقل الى: